Qual sèm ?
La Federacion « Hautbois & Cie » foguèt creada en julhet de 2019 per respondre al repais de la perpetuacion de las practicas d’autbòis populars dins la Region Occitània.
Aquesta federacion regropa nòu autbòis originaris de nòu departaments, cadun amb sa pròpria organologia e repertòri, tot en partatjant d’elements comuns. En França, la region Occitània es l’unica a acolhir una tal diversitat d’autbòis populars. Se pòdon trobar dins nombroses eveniments totjorn fòrça apreciats, coma las ajustas nauticas, las Festas majoras, los carnavals o las cavalcadas amb animals totemics, per n’esmentar sonque qualques unes.
La practica d’aqueles instruments a conegut una relança importanta dins las annadas 1970 e 1980. De talhièrs de factura instrumentala son estats obèrts, de corses e d’espacis de transmission an espelit que siá en Arièja, dins Tarn, Òlt, sul litoral lengadocian, dins los Pirenèus catalans o a las pòrtas de Gasconha.
Pasmens, tot rèsta encara a considerar per perennizar la practica d’aqueles instruments passaires de lenga(s) e de cultura(s) que patisson sovent d’una manca de coneissença o de consideracion. La Federacion desira donc, per la siá accion, contribuïr a promòure e desvolopar aquelas practicas en se basant sus l’escambi e la mesa en comun, sus la transmission de competéncias, de sabers e d’experiéncias dins l’encastre del patrimòni cultural immaterial, en contribuïssent al desvolopament de las practicas actualas.
De què volem?
Atal, « Hautbois &Cie » a per tòca la valorizacion, la transmission e la promocion dels autbòis dins lors diversitats e lors practicas tant tradicionalas coma créativas.
Dins un esperit festiu, de partatge, de convivéncia, vòl agir per la recèrca, la conservacion, la formacion, la comunicacion, la difusion, lo sosten a la créacion e la mesa en ret dels actors de l’autbòi.
Per aquò, a creat de grops de trabalh sus las prioritats que s’es balhadas. Son obèrts a totes :
– factura instrumentala
– educacion, pedagogia
– animacion de la ret, vida culturala
– Patrimòni Cultural Immaterial (PCI)
– comunicacion
– administracion
Se reconeis dins las valors de l’educacion populara.
