Qual sèm ?
Era Federacion « Hautbois &Cie » qu'é estada creada en julhet de 2019 entà arrespóner a l’enjòc dera perennizacion deras practicas deths aboèses populars dera Region Occitània.
En efèit, aquesta qu'abriga nau aboès originaris de nau departaments. Qu'hèn cadun ua organologia e un arrepertòri especifics en avent elements en comun. En França, era region Occitània qu'é era sola t’a arcuélher ua tan diversitat d’aboèses populars. Aqueths aboèses que se crotzan dens de nombrós eveniments tostemps plan populars, coma eras ajustas nauticas, eras hesta major, eths carnavals o eras sortidas deths animaus totemics, entà citar pas qu'eths.
Era practica d'aqueths instruments qu'hèta coneishut ua arrelança importanta dens eras annadas 1970 e 1980. Talhèrs de factura instrumentau qu'hèn obèrt, deths corses e espacis de transmission qu’an vis teth jorn qu'aqueths sian en Arièja, dens Tarn, Òlt, sus eth litorau lengadocian, dens eths Pirenèus catalans o a eras pòrtas de Gasconha.
Totun, tot que demora enqüèra t’a considerar entà perennizar era practica d'aqueths instruments passaires de lenga(s) e de cultura(s) qui pateishen sovent d'ua manca de coneishença o de consideracion. Era Federacion que desira donc, pera sua accion, contribuar a promòver e desvolopar aqueras practicas en se basant sus l'escambi e era mesa en comun, sus era transmission de competéncias, de sabers e d'experiéncias dens l'encastre deu patrimòni culturau immateriau, en contribuant au desvolopament de las practicas actuaus.
Què volem?
Atau « Hautbois &Cie » qu'a per objècte era valorizacion, era transmission e era promocion deths aboèses dens lors diversiteats e lors practicas tant tradicionaus que creativas.
Dens un esperit hestiu, de partatge e de convivialitat, que vòu agir pera arrecèrca, era conservacion, era formacion, era comunicacion, era difusion, eth sosten t’a era creacion e era mesa en hialat deths actors deth aboès.
Entà aquò, qu'a creat grops de tribalh sus eras prioritats qui s'é balhadas. Que son obèrts a tots :
– factura instrumentau
– educacion, pedagogia
– animacion deth hialat, vita culturau
- Patrimòni Culturau Immateriau (PCI)
- comunicacion
– administracion
Era que se arreconeish dens eras valors dera éducation populara.
